“МОНГОЛ КООСЭН” ТЕХНОЛОГИЙН КОЛЛЕЖ

Технологийн коллеж нь Япон улсад 1962 онд байгуулагдан, инженерийн боловсрол олгож эхэлсэн. 60 гаруй жилийн хугацаанд олон мянган инженер технологийн коллежийг төгсөж, Япон улсын аж үйлдвэрийг хөгжүүлэх үйл хэрэгт үнэтэй хувь нэмэр оруулсан билээ. Технологийн коллежийн онцлог нь ерөнхий боловсролын сургуулийн 9-р анги төгсөгчид элсэн орж, 5 жилийн хугацаанд онолын мэдлэг болон практик ур чадварт суралцан, дээд боловсролын дэд бакалаврын зэрэгтэй төгсдөг.

“Монгол Коосэн” Технологийн коллеж 2014 онд байгуулагдсанаас хойш 300 гаруй инженер төгсөөд байна. Манай төгсөгчид Монгол улс төдийгүй Япон улсад инженерээр ажиллаж, Монгол, Японы их, дээд сургуульд дэвшин суралцаж байна. Хүүхдүүд ээ “Монгол Коосэн” Технологийн коллежид инженер мэргэжлээр суралцаж, эх орныхоо аж үйлдвэрийг хөгжүүлээрэй.

Та бүхнийг хүсэл мөрөөдлийнхөө төлөө хичээн суралцана гэдэгт чин сэтгэлээсээ итгэж байна.

Бид Япон улсын инженерийн боловсрол олгодог “Коосэн” тогтолцоог Монгол Улсад нутагшуулах ажлыг эхлүүлээд 10 гаруй жил болсон байна. “Коосэн” сургууль нь инженерийн боловсрол олгодог дээд боловсролын байгууллага бөгөөд бусад их, дээд сургуулиас ялгаатай нэг онцлог бий. Энэ нь дунд сургууль төгсөгч буюу 15 настай хүүхдийг элсүүлдэг.

Мөн манай оюутнууд Японы техник, технологи, шинжлэх ухаан, түүх соёлтой танилцах “Сакура сэйэнс”, “Женесис” хөтөлбөрт хамрагдаж Японд айлчилдаг билээ.

Оюун ухаан, эрдэм мэдлэгээ дайчлан эх орныхоо хөгжилд хувь нэмэр оруулах ирээдүйн инженерүүд болно гэдэгт итгэлтэй байна. Манай коосэнгийн төгсөгчид урдаа тавьсан зорилгодоо хүрч, мөрөөдлөө биелүүлэхийн төлөө оюун ухаан, бие сэтгэл, эрдэм мэдлэгээ дайчлан зүтгэж, эх орныхоо бүтээн байгуулалтад хөгжил дэвшлийг авчрах болно.

2019 онд манай сургуулийн анхны 64 оюутан төгссөн. Анхны төгсөгчдийн маань 30 хувь нь Японы компани, 50 хувь нь Монголын компанид ажиллаж, 20 хувь нь их, дээд сургуульд элсэн суралцаж байна.